Кыргыздын кадимки орто эсеп менен алынган үй-бүлөдө чыр чатак

болуп, жолдошу келинчегин уруп койгон. Кимде мындай жок, деп ойлоп

Наргиза жашап жүрө берет. Эки уул төрөп берет, бирок жылдан жылга

күйөсүнүн кызганычы тарабай, ур-токмоктор күндөн күнгө күчөй берет.

Күндөрдүн бир күнүндө, башы катуу урулгандан кийин балдарын алып

күйөсүнүн үйүнөн чыгып кетет дагы, кетип баратып милисага арыз жазып

коет. Жазгуль бизге кайрылганда жолдошун сотко берем, деп кайрылган.

Сиз жашооңуздун азыркы этабында эмнени каалайт элеңиз, деп

сурасак, балдарымды алып, кийим кечелерди алып өз төркүнүмө, ата-энеме

кетким келип жатат, мени таптакыр күйөм көрбөй, колу тийбей тынч

жашагым келет, балдарымды деле өзүм багып алмакмын деди.

Кел сиздин көйгөйдү медиация аркылуу чечип көрөбуз, дедим.

Медиация эмне экенин түшүндүрсөм, менин жолдошум сөз укпайт, деди.

Эмнеси болсо дагы аракет кылып көрөлү, таптакыр болбосо соттошосуңарда,

деп жолдошунун телефонун алып, эртеси күнгө офисиме чакырдым.

Жолдошуна дагы түшүндүрмө бердик, медиация бул эки тараптын

макулдашуусу. Сиздер чечпесеңер, сот чечет. Каалайсынарбы толтура

убакытты ошого кетирүүгө, каражатты сарптоого, ички тынчтыкты жоготуга –

анда соттошсоңор болот, дедим. Ошентип медиация кылып көрөлү дегенге

токтодук. Жолдошунун келечеке болгон көз карашын, кандай үй-бүлө

курууну максаттап жатканын угуп, азыркы болуп жаткан жагдайды кантип

чечкенге даяр экенин талкуулап, эки тарап бир пикирге келишти кылып,

медиация аркылуу маселе чечилди.

Жазгулдун жолдошу үйүндөгү жубайынын кийим-кечесин,

балдарынын кийимдерин чогултуп унаага салып берди. Жазгул, жазган

арызына кайра элдештик деп жазып берип, балдарын алып өз төркүнүнө

кетти. Убакыт өткөндөн кийин Жазгүлдөн алакыбалын сураштырсам, баары

жакшы, иштеп жүрөм, жолдошум балдарга кийим кече алып жиберип турат,

деди.

Эмнеге биздин коомдо аялдардын укугу корголбой калат :

- Билими жок, финансалык жактан көз каранды кыздар куйөөсүнөн көп

кордук көрүшөт.

-Үйдүн ичинде болгон окуяны сыртка чыгарууну уят катары көрөбүз,

ошондуктан сотко же милицияга көп кайрыла бербейт (кайрылган күндө да,

үй-бүлөлүк ишке кийлигишпей, өзүнөр чечкиле деген жоопту угушат).

P.S. Эми, үй-бүлөдөгү маселени медиация аркылуу чечүүгө мыйзамдык жол

ачылды. Медиация жөнүндө маалымат алып, колдонуп көрсөңөр болот.